martes, 17 de noviembre de 2009
NORA, LA NEÑA DE SAL
Nora ye una neña mui especial que se fai munches entrugues...
¿Pa qué sirven les estrelles?, ¿por qué ye salada l´agua de la mar?
Fátima pon les pallabres y Sergio los dibuxos nesti cuentu azul...
"NORA LA NEÑA DE SAL"
Fátima Fernández Méndez y Sergio Bimbo
Pintar-Pintar editorial
2009
miércoles, 11 de noviembre de 2009
"CUADERNO DE ANIMALISTA"
Munchos artistas célebres (Otto Dix, Miró, Mondrian, Brancusi, Picasso, Degas, Dalí, Klimt, Goya, Munch, Grosz, Duchamp, Warhol, Botero, Hopper, Friedrich...) tienen una deuda con esti cuadernu...
"CUADERNO DE ANIMALISTA"
(Antón Fortes y Maurizio A.C. Quarello
OQO Editora (Colección OQart)
octubre 2008
(El Ministeriu de Cultura entrego-y el segundu Premiu al Llibru Infantil y Xuvenil Meyor Editáu nel añu 2008)
martes, 10 de noviembre de 2009
VARIEDAES LLITERARIES
Dempués del ensayu con "William sin mi", al llegar a casa, atopé encima de la mio cama un montón de llibros y publicaciones de lliteratura infantil llegaos dende Cantabria, cortesía de Isabel Tejerina, una de les mis tíes maternes. Gustáronme munchísimo y toi deseando tener el tiempu necesariu pa lleer todo. ¡Munches gracies!
MÉTODU PA SUAÑAR CON LLETRES
Ayeri, sin venir a cuentu, sinón a cómic, alcontreme nuna charra de Fausto Isorna, célebre dibuxante gallegu, con escolinos de siete años na Biblioteca Nova 33 de Compostela.
Llamome l´atención el comentariu espontáneu d´una guajina: "¿Sabes qué? Yo cuando mi madre me manda dormir enciendo mi lámpara y leo, y cuando la oigo acercarse escondo el libro debajo de la almohada y me hago la dormida"(Yasmine, 7 años).
Ye una allegría escuchar coses como esta: lleer por puro placer, por iniciativa propia, ensín imposiciones...
Espertar les ganes...¡Esto ye lo realmente importante!
lunes, 9 de noviembre de 2009
PERSONAXES DE CUENTU
domingo, 8 de noviembre de 2009
MANDARINES MOLLAES
Esti veranu, en Lisboa, atopé por casualidá (como pasen les mellores coses de la vida), nas estanterías del Centro Cultural de Belem, unos llibros infantiles escelentes...
Quedé realmente fasciná ante cada páxina, cada ilustración, cada historia, cada pallabra escrita con lletres precioses...
Todos y cada unu de los cuentos atrapáronme de tal manera que guardé na mio mente´l nome de la editorial: planeta tangerina (www.planetatangerina.com).
Acabo d´enterame de que les lluvies desta seronda ficieron actu d´apaición nel so almacén. Tendieron los llibrinos al sol y dempués del tiempu de les mandarines mollaes llegaron les novedaes...
L´agua tresformó´l papel, la tinta, los colores, les cartulines...creando un nuevu universu máxico en cada cuentu...
L´IMPORTANCIA DE LES PALLABRES
Suscribirse a:
Entradas (Atom)